Es schmeggt nimme us dr Määrthalle,
dass hett doch jedem Bebby gfalle.

Frisches Obscht, Gmiess oder au Fisch,
eppys fyr jede, das schläggt kai Gaiss vom Tisch.

Yber hundert Joor het das Rundhööfli uns passt,
jetzt hett me jede deert inne gschasst.

E Super-Ykaufszentrum will me druus mache,
die Aine fraids, die andere sage; nit ganz bache.

Vieli Ydee hett me fyr unseri Määrthalle,
doch nit jedi hett em Bebby gfalle.

Mit de Stütz vo Private Investore
Will me wieder Frisches ,aber nit gfroore.

E paar Veegel will me dert usstelle,
e paar ganz spezielli Gselle.

Si kemme us kalter Haltig nach Baasel,
diräggt in d Määrthalle, es isch kai Gfassel.

Pinguin selles si, e paar Hundert an dr Zaal,
aber au nit zviel, sunscht wird`s zur Gwaal.

Doch leider hett me das Projekt abbroche,
dä mit em Polarium hett nid gstoche.

So wattschle halt an dr Fasnacht e paar Pinguine umme
und dien s Lied vom Happy Feet der zue summe.

Drum göhn mir Häxe jetzt uf d Stroos,
ganz nach em Motto : d Pinguine sin los.