Mir blyybe sälbständig
Die Kantonsfusion isch also bachab gange
D Rambasse bliiebe in ihrem Ländli gfange
zwische uns gits doch so viil gmainsami Sache
zum Biispiil Politigger, s isch zum lache
do tritt ain z Basel zrugg wääge Gäldaffäre
är zahlt e bitzeli und denn duet sich alles kläre
im Baselbiet unterschlaage si tussigi vo Frangge
spiile den die Unschuldige und din sich bedangge
zruggträtte duet nur die heggschti Baselbieter-Frau
Bed und Brekfast isch fyr si dr Supergau
Au uf de Schiine duet sich ebbis beweege
BLT und BVB derfe sich Stai in Wääg leege
uf unserm Netz fahre die gääle Drämli
Dr Margretestich deruf wänns au nämmli
Die Griiene Stahlross wänn derwiile via Prattele
yber d Längi, Augst richtig Lieschtel rattere
So wit kunns no dängge die Rambasse
Das kennt eych Basler no passe
Mir Basler sind doch glygglig und froh
D Fusion mit Lieschtel wird nit ko
Und dass isch denn au grad s Guete draa
Denn die hänn nit wo mir mieste haa


d Häxe